بانی پی ٹی آئی بلاوجہ جیل میں ہیں، نظریہ قید نہیں کیا جا سکتا: سہیل آفریدی

وزیر اعلیٰ خیبرپختونخوا سہیل آفریدی نے ‘سینیٹر آف ایکسیلنس’ کی افتتاحی تقریب سے خطاب کرتے ہوئے بانی پی ٹی آئی کی جیل میں صحت کے حوالے سے شدید تشویش کا اظہار کیا ہے۔ انہوں نے دعویٰ کیا کہ بانی پی ٹی آئی کی بینائی 85 فیصد تک متاثر ہو چکی ہے اور انہیں قانونی ٹیم و اہل خانہ سے ملاقات کی اجازت بھی نہیں دی جا رہی۔ وزیر اعلیٰ نے کہا کہ بانی کے نظریے کو دبایا نہیں جا سکتا اور صوبائی حکومت اسی نظریے کے تحت نوجوانوں کو ہنرمند بنانے اور تعلیمی نظام سے فرسودہ کورسز کے خاتمے کے لیے کام کر رہی ہے۔ انہوں نے کرپشن کے خلاف زیرو ٹالرنس کی پالیسی کا اعادہ کرتے ہوئے افسران کو ہدایت کی کہ کسی بھی قسم کی سفارش، خواہ وہ ان کی اپنی ہی کیوں نہ ہو، اسے قبول نہ کیا جائے۔