وزیراعظم سے کابینہ ارکان کی ملاقاتیں،وزارتوں سے متعلقہ اُمور پر تبادلہ خیال

وزیراعظم شہباز شریف سے وفاقی وزیر ریلوے حنیف عباسی، وزیر صحت مصطفیٰ کمال، وزیر سائنس و ٹیکنالوجی خالد حسین مگسی اور معاون خصوصی ہارون اختر خان نے الگ الگ ملاقاتیں کیں۔ وزیر ریلوے حنیف عباسی نے ریلوے کے جاری ترقیاتی منصوبوں پر بریفنگ دی، جس پر وزیراعظم نے فریٹ سروس کو مزید مؤثر بنانے اور مسافروں کے لیے باحفاظت سفر یقینی بنانے کی ہدایت کی۔ وزیر صحت مصطفیٰ کمال نے بیماریوں کی روک تھام کے اقدامات سے آگاہ کیا، جبکہ خالد حسین مگسی نے سائنس و ٹیکنالوجی کے منصوبوں پر پیش رفت رپورٹ پیش کی۔ وزیراعظم نے وزارتوں کی کارکردگی پر اطمینان کا اظہار کرتے ہوئے عوامی سہولیات کے منصوبوں کو ترجیحی بنیادوں پر مکمل کرنے پر زور دیا۔