‘ایران جلد ہوش کے ناخن لے’، ٹرمپ نے بندوق تھامے ’اے آئی جنریٹڈ‘ فوٹو شیئر کردی

امریکی صدر ڈونلڈ ٹرمپ نے ایران اور امریکہ کے درمیان جاری سفارتی تعطل کے دوران ایک بار پھر سخت لہجہ اختیار کرتے ہوئے ایران کو سنگین نتائج کی دھمکی دی ہے۔ اپنے سوشل میڈیا پلیٹ فارم ‘ٹروتھ سوشل’ پر ایک مصنوعی ذہانت (AI) سے تیار کردہ تصویر شیئر کی ہے جس میں انہیں مسلح حالت میں تباہی کے پس منظر کے ساتھ دکھایا گیا ہے، جس پر لکھا ہے کہ “اب شرافت دکھانے کا وقت نہیں بچا”۔ یہ دھمکی ایسے وقت میں سامنے آئی ہے جب اہم تجارتی گزرگاہ ‘آبنائے ہرمز’ بدستور بند ہے اور غیر جوہری معاہدے پر مذاکرات تعطل کا شکار ہیں۔ صدر ٹرمپ نے ایران کو متنبہ کیا کہ وہ جلد ہوش کے ناخن لے اور سمجھداری دکھائے، کیونکہ ان کے بقول ایران اپنے معاملات درست کرنے اور معاہدے پر دستخط کرنے میں ناکام رہا ہے۔