پاکستان سٹاک مارکیٹ میں 2 روز کی مندی کے بعد آج مثبت رجحان

پاکستان اسٹاک مارکیٹ میں مسلسل دو روز کی مندی کے بعد آج کاروبار کا آغاز مثبت رجحان کے ساتھ ہوا ہے۔ کاروباری ہفتے کے تیسرے روز ہنڈرڈ انڈیکس میں 1000 سے زائد پوائنٹس کی تیزی ریکارڈ کی گئی، جس کے بعد انڈیکس 1 لاکھ 69 ہزار 686 پوائنٹس کی سطح پر پہنچ گیا ہے۔ یاد رہے کہ گزشتہ روز مارکیٹ 1085 پوائنٹس کی کمی کے ساتھ بند ہوئی تھی۔ دوسری جانب ایشیائی اسٹاک مارکیٹس میں ملا جلا رجحان دیکھا جا رہا ہے؛ جہاں ہانگ کانگ، چین اور تھائی لینڈ کے انڈیکسز میں تیزی رہی، وہیں جاپان کے نکی انڈیکس اور انڈونیشیا کی مارکیٹ میں گراوٹ ریکارڈ کی گئی۔ ماہرین انڈیکس میں اس بحالی کو سرمایہ کاروں کے اعتماد کی واپسی قرار دے رہے ہیں۔