انٹر پول نے ملک ریاض اور علی ریاض ملک کے ریڈ وارنٹ جاری کر دیئے

قومی احتساب بیورو (نیب) کی درخواست پر انٹرپول نے بحریہ ٹاؤن کے سربراہ ملک ریاض اور ان کے بیٹے علی ریاض ملک کے ریڈ وارنٹ جاری کر دیے ہیں۔ چیئرمین نیب لیفٹیننٹ جنرل (ر) نذیر احمد بٹ نے میڈیا کو بریفنگ دیتے ہوئے بتایا کہ اسلام آباد کی سیشن کورٹ نے دونوں شخصیات کو منی لانڈرنگ کیسز میں پہلے ہی اشتہاری قرار دے رکھا ہے۔ ڈی جی آپریشنز نیب امجد مجید اولکھ کے مطابق ملک ریاض کے خلاف 900 ارب روپے سے زائد کی تحقیقات مکمل ہو چکی ہیں، جبکہ مجموعی طور پر منی لانڈرنگ کے 37 ہائی پروفائل کیسز پر کارروائی جاری ہے۔ نیب حکام نے مزید بتایا کہ پنجاب اور سندھ میں لاکھوں ایکڑ اراضی واگزار کرائی گئی ہے اور بحریہ ٹاؤن کراچی کیس میں کئی سیاستدانوں اور پارلیمنٹرینز سے بھی تحقیقات کی جا رہی ہیں۔