ایرانی پرچم بردار بحری جہاز کے عملے کے 6 ارکان رہا

ایرانی پرچم بردار کنٹینر جہاز ’’توسکا‘‘ کے عملے کے چھ ارکان کو رہا کر دیا گیا ہے۔ ایرانی میڈیا کے مطابق اس جہاز کے مجموعی بائیس ارکان اب بھی زیرِ حراست ہیں۔
رپورٹس میں دعویٰ کیا گیا ہے کہ چند روز قبل اس بحری جہاز کو امریکی حکام نے تحویل میں لے کر اس کے عملے کو زیرِ حراست لیا تھا۔
عالمی بحری ڈیٹا کے مطابق ’’ایم وی توسکا‘‘ ایک کنٹینر شپ ہے جو ایرانی پرچم کے تحت رجسٹرڈ ہے اور بین الاقوامی تجارتی سرگرمیوں میں استعمال ہوتی ہے۔