نیشنل انڈر 15 کپ 2025-26 کا آغاز 4 فروری سے، 18 ٹیمیں چار شہروں میں مدِ مقابل

لاہور: نیشنل انڈر 15 کپ 2025-26 کا آغاز 4 فروری سے چار شہروں میں کیا جا رہا ہے۔ ٹورنامنٹ میں 16 ریجنز کی مجموعی طور پر 18 ٹیمیں حصہ لیں گی جبکہ ایونٹ کے دوران کُل 49 میچز کھیلے جائیں گے۔

ٹورنامنٹ میں 270 انڈر 15 کھلاڑی ایکشن میں نظر آئیں گے۔ ٹیموں کو تین گروپس میں تقسیم کیا گیا ہے۔

گروپ اے کے میچز سیالکوٹ کے تین مختلف گراؤنڈز پر کھیلے جائیں گے، جبکہ گروپ بی کے مقابلے پشاور اور چارسدہ میں ہوں گے۔ گروپ سی کے میچز فیصل آباد کے تین گراؤنڈز پر شیڈول کیے گئے ہیں۔

ٹورنامنٹ جیتنے والی ٹیم کو ایک ملین روپے جبکہ رنرز اپ ٹیم کو پانچ لاکھ روپے کیش پرائز دیا جائے گا۔

سی ایس ایس گراؤنڈ سیالکوٹ، شمع گراؤنڈ پشاور اور سعید اجمل اکیڈمی پشاور میں ہونے والے میچز ٹیپ میڈ پر لائیو اسٹریمنگ کے ذریعے شائقین کو دکھائے جائیں گے۔