ناسا کے سینئر سائنسدان کا خلائی مخلوق کے متعلق حیران کن دعویٰ

امریکی خلائی ادارے ناسا کے سینئر سائنسدان ڈاکٹر جینٹری لی نے واضح کیا ہے کہ کائنات کی وسعت کو دیکھتے ہوئے خلائی مخلوق کے وجود کے امکانات کو مسترد نہیں کیا جا سکتا، تاہم اب تک زمین پر کسی غیر زمینی مخلوق کی آمد کا کوئی ثبوت نہیں ملا۔ 1968 سے ناسا سے وابستہ ڈاکٹر لی کا کہنا ہے کہ خلائی مخلوق کے بارے میں زیادہ تر کہانیاں غلط فہمیوں پر مبنی ہیں۔ انہوں نے امید ظاہر کی کہ مستقبل میں انسان زمین سے باہر زندگی کے آثار تلاش کر سکتا ہے، خاص طور پر ان سیاروں پر جو زمین سے 40 نوری سال کے فاصلے پر واقع ہیں اور وہاں کا ماحول زندگی کے لیے موزوں ہو سکتا ہے۔