نمیبیا نے جنوبی افریقہ کو 18 رنز سے شکست دے دی

ٹی ٹوئنٹی ٹرائی سیریز کے سنسنی خیز مقابلے میں نمیبیا نے بڑا اپ سیٹ کرتے ہوئے جنوبی افریقہ کو 18 رنز سے شکست دے دی ہے۔ میچ میں پہلے بیٹنگ کرتے ہوئے نمیبیا نے مقررہ اوورز میں 163 رنز کا مجموعہ ترتیب دیا اور پروٹیز کو جیت کے لیے 164 رنز کا ہدف دیا۔ 164 رنز کے تعاقب میں جنوبی افریقہ کی بیٹنگ لائن درہم برہم ہو گئی اور پوری ٹیم محض 145 رنز بنا کر آؤٹ ہو گئی۔ جنوبی افریقہ کی جانب سے ڈیوالڈ بریوس 75 رنز بنا کر نمایاں سکورر رہے، تاہم وہ اپنی ٹیم کو فتح نہ دلا سکے۔