ملتان سلطانز کی نئے مالک کے ساتھ پی ایس ایل میں واپسی

قذافی سٹیڈیم لاہور میں منعقدہ ایک اہم پریس کانفرنس کے دوران پی ایس ایل کی نئی صف بندی کا اعلان کر دیا گیا ہے۔ سی ای او پی ایس ایل سلمان نصیر نے تصدیق کی ہے کہ گوہر شاہ کی درخواست پر سیالکوٹ سٹالینز کا نام تبدیل کر کے ملتان سلطانز رکھ دیا گیا ہے۔ اس موقع پر ملتان سلطانز کی سی ای او گوہر شاہ نے کہا کہ جنوبی پنجاب کی نمائندگی برقرار رکھنا ان کا خواب تھا۔ انہوں نے دلچسپ تبصرہ کرتے ہوئے کہا کہ “فتح کے لیے سٹالینز کو سلطانز کی ضرورت تھی”۔ شائقین اب پی ایس ایل کے افتتاحی میچ کا بے صبری سے انتظار کر رہے ہیں جو لاہور میں منعقد ہوگا۔