چاند پر رہائش کیلئے بُکنگ شروع، ادائیگی کی رقم کا بھی اعلان

خلائی سیاحت اور مستقبل کی رہائش کے شعبے میں سرگرم جی آر یو سپیس کمپنی نے دعویٰ کیا ہے کہ اب عام افراد بھی چاند پر رہائش کے لیے کمرہ بُک کرا سکتے ہیں۔ کمپنی کے مطابق اس مقصد کے لیے 10 لاکھ امریکی ڈالر بطور پیشگی ادائیگی درکار ہوں گے۔

ترجمان کے مطابق یہ منصوبہ مستقبل کی خلائی رہائش کے تصور کے تحت متعارف کرایا گیا ہے، جس میں چاند پر جدید سہولیات سے آراستہ کمروں کی تعمیر شامل ہے۔ ابتدائی بکنگ کا مقصد ممکنہ صارفین کی دلچسپی اور سرمایہ کاری کا اندازہ لگانا ہے۔