امریکا: گمشدہ انگوٹھی 44 برس بعد مل گئی

مسیسپی: امریکا میں ایک شخص کو 44 برس بعد اپنی گمشدہ ہائی اسکول کی انگوٹھی واپس مل گئی۔

مسیسپی سے تعلق رکھنے والے ڈیریئن لیڈنر نے سوشل میڈیا پر بتایا کہ 1982 میں وہ پاس کرسچین ساحل پر ایک پارٹی میں گئے تھے جہاں ان کی پاس کرسچین ہائی اسکول کی کلاس رِنگ کھو گئی تھی۔ انہوں نے کہا کہ انہوں نے انگوٹھی کو بہت تلاش کیا لیکن کامیاب نہ ہو سکے، حتیٰ کہ اسسٹنٹ پرنسپل کے ساتھ میٹل ڈیٹیکٹر کے ذریعے بھی انگوٹھی تلاش کی گئی، لیکن کوئی کامیابی حاصل نہیں ہوئی۔

ڈیریئن نے بتایا کہ حال ہی میں انہیں فیس بک پر سیمی جیویل کا ایک پیغام موصول ہوا، جس میں بتایا گیا کہ وہ انگوٹھی دوبارہ ملی ہے۔ ڈیریئن نے کہا کہ جب انہیں یہ پیغام ملا تو وہ یقین نہیں کر پاۓ کہ 44 برس بعد انگوٹھی واپس مل گئی، اور وہ حیران تھے کہ انگوٹھی بالکل اسی جگہ سے ملی جہاں وہ کھوئی تھی۔