کھلاڑیوں پر مکمل اعتماد، ایجبسٹن ٹیسٹ میں اچھا پرفارم کریں گے:ہیڈ کوچ

پاکستان کی قومی کرکٹ ٹیم کے ریڈ بال ہیڈ کوچ مائیک ہیسن نے انگلینڈ کے خلاف برمنگھم میں پریس کانفرنس کرتے ہوئے کہا ہے کہ انہیں قومی ٹیم کے تمام کھلاڑیوں اور ان کی صلاحیتوں پر مکمل اعتماد ہے۔ انہوں نے بتایا کہ اسکواڈ میں شامل کیے گئے نئے کھلاڑی ٹیم کے ماحول میں اچھی طرح ایڈجسٹ ہو چکے ہیں اور امید ہے کہ پاکستان 9 ستمبر سے ایجبسٹن میں شروع ہونے والے تیسرے اور آخری ٹیسٹ میچ میں بہترین کارکردگی کا مظاہرہ کرے گا۔ مائیک ہیسن نے واضح کیا کہ اسکواڈ سے بعض کھلاڑیوں کو ان کے باقاعدہ چارج سنبھالنے سے قبل ہی وطن واپس بھیج دیا گیا تھا، لہٰذا ان کی روانگی کے حوالے سے وہ کوئی تبصرہ نہیں کر سکتے۔