کھانسی میں مبتلا خاتون کے گلے میں نوز رنگ کی موجودگی کا انکشاف

میکسیکو کی رہائشی مونیکا بیراجاس ایک ماہ سے تکلیف دہ کھانسی کا شکار تھیں، لیکن جب ایکسرے کرایا گیا تو ڈاکٹر یہ دیکھ کر دنگ رہ گئے کہ ان کی سانس کی نالی میں ان کی اپنی ہی ‘نوز رنگ’ (Nose Ring) پھنسی ہوئی تھی۔ مونیکا کے مطابق انہیں اندازہ ہی نہیں ہوا کہ لاپتہ ہونے والی انگوٹھی ان کے جسم کے اندر جا چکی ہے۔ ڈاکٹروں نے انکشاف کیا کہ یہ دھاتی انگوٹھی ان کی شہ رگ سے محض 0.5 ملی میٹر کے فاصلے پر تھی، جو کسی بھی وقت پھیپھڑوں یا شہ رگ کو پنکچر کر کے جان لیوا ثابت ہو سکتی تھی۔