اے آئی کی مدد سے محض 20 ہزار سے ایک ارب 80 کروڑ ڈالرز کی کمپنی قائم کرنیوالے 2 بھائی

لاس اینجلس: میتھیو گالاگر کی کہانی کسی فلمی اسکرپٹ سے کم نہیں۔ بچپن کسمپرسی میں گزارنے اور گریجویشن مکمل نہ کرنے والے میتھیو نے 2024 میں ایک ایسا فیصلہ کیا جس نے انہیں ارب پتی بنا دیا۔ نیویارک ٹائمز کے مطابق، میتھیو نے محض 20 ہزار ڈالرز اور اے آئی ٹولز (جیسے ChatGPT اور Growl) کی مدد سے اپنی ٹیلی ہیلتھ کمپنی Medvi کی بنیاد رکھی۔

اس کمپنی کی خاص بات یہ ہے کہ یہاں کوڈنگ سے لے کر اشتہارات کی تیاری اور صارفین کے مسائل حل کرنے تک تمام کام اے آئی ٹولز انجام دیتے ہیں۔ میتھیو کے ساتھ ان کی کمپنی میں صرف ان کے بھائی ایلیٹ کام کرتے ہیں۔ حیران کن طور پر اس کمپنی کی آمدنی (1.8 بلین ڈالرز) اتنی ہی ہے جتنی اس شعبے کی دوسری بڑی کمپنی ‘ہمز اینڈ ہرز’ (Hims & Hers) کی ہے، جہاں 2400 ملازمین کام کرتے ہیں۔ میتھیو اس کمپنی کے 100 فیصد مالک ہیں اور کوئی بورڈ آف ڈائریکٹرز ان کے معاملات میں مداخلت نہیں کرتا۔