طاعون سے مرنے والے ہزاروں افراد کی اجتماعی قبر دریافت

محققین نے جرمنی میں واقع ایک قرونِ وسطیٰ کے گاؤں میں اپنی نوعیت کی پہلی اجتماعی قبر دریافت کر لی ہے، جس میں طاعون (بلیک ڈیتھ) سے مرنے والے ہزاروں افراد کے شواہد سامنے آئے ہیں۔

اس دریافت کو یورپ میں طاعون سے ہونے والی اموات کے حوالے سے مدفن کی پہلی باقاعدہ نشان دہی قرار دیا جا رہا ہے۔ تاریخی ریکارڈز کے مطابق 1346 سے 1353 کے دوران پھیلنے والی بلیک ڈیتھ نے یورپ کی تقریباً نصف آبادی کو ہلاک کر دیا تھا۔

ماہرین کے مطابق 14ویں صدی کے تحریری ریکارڈز میں ایرفرٹ شہر کے باہر بڑے گڑھوں میں ہزاروں لاشیں دفن کیے جانے کا ذکر موجود تھا، تاہم ان مقامات کی اب تک تصدیق نہیں ہو سکی تھی۔

لیپزگ یونیورسٹی کے جغرافیہ دان مائیکل ہائن کا کہنا ہے کہ نئی تحقیق سے اس بات کے مضبوط شواہد ملے ہیں کہ دریافت ہونے والی قبر انہی تاریخی طاعون مدافن میں سے ایک ہے۔