یرون ملک سے گاڑیوں کی درآمد کی پالیسی میں بڑی تبدیلی، پرسنل بیگج پر پابندی عائد

وفاقی حکومت نے بیرون ملک سے گاڑیوں کی درآمد کے حوالے سے پالیسی میں اہم تبدیلیاں کرتے ہوئے درآمدی پالیسی آرڈر 2022 میں بڑی ترامیم کی منظوری دے دی ہے۔ وزارتِ تجارت کے مطابق پرسنل بیگج اسکیم کے تحت گاڑیوں کی درآمد پر پابندی عائد کر دی گئی ہے۔

نوٹیفکیشن کے مطابق اب گاڑیاں صرف رہائشی اسکیم اور تحفہ اسکیم کے تحت ہی درآمد کی جا سکیں گی۔ وزارت تجارت کا کہنا ہے کہ ترامیم کے بعد نئی پالیسی کا باقاعدہ نوٹیفکیشن جاری کر دیا گیا ہے۔

حکام کے مطابق درآمد کی جانے والی گاڑی ایک سال تک کسی دوسرے شخص کے نام پر منتقل نہیں کی جا سکے گی، جبکہ گاڑیوں کی درآمد کے لیے مقررہ مدت میں بھی اضافہ کر دیا گیا ہے۔ نئی پالیسی کے تحت گاڑیوں کی درآمد کی مدت 700 دن سے بڑھا کر 850 دن کر دی گئی ہے۔