مجھے اغوا کیا گیا، اب بھی وینزویلا کا صدر ہوں ، مادورو کا امریکی عدالت میں الزامات تسلیم کرنے سے انکار
Web Desk
5 January 2026
وینزویلا کے صدر نکولس مادورو نے امریکی وفاقی عدالت میں منشیات اسمگلنگ اور دہشت گردی سمیت دیگر الزامات تسلیم کرنے سے انکار کرتے ہوئے کہا ہے کہ وہ ایک اچھے اور مہذب انسان ہیں اور انہیں اغوا کر کے امریکا لایا گیا ہے۔
مادورو اور ان کی اہلیہ سیلیا فلوریس کو بروکلن سے بذریعہ ہیلی کاپٹر مین ہیٹن منتقل کیا گیا، جہاں سے انہیں ایک بکتر بند گاڑی میں عدالت لایا گیا۔ امریکی میڈیا کے مطابق مادورو کو قیدیوں کا یونیفارم پہنایا گیا اور ہتھکڑیوں میں جکڑ کر عدالت میں پیش کیا گیا، جبکہ عدالتی کارروائی کو ہسپانوی زبان میں سمجھنے کے لیے انہوں نے ہیڈفون بھی پہن رکھے تھے۔
وفاقی عدالت کے جج نے جب مادورو سے شناخت پوچھی تو انہوں نے جواب دیا کہ وہ وینزویلا کے صدر ہیں۔ اس پر جج نے ان کے خلاف منشیات اور دہشت گردی سے متعلق الزامات پڑھ کر سنائے، تاہم مادورو نے تمام الزامات کو مسترد کرتے ہوئے کہا کہ
’’میں بے گناہ ہوں، اب بھی اپنے ملک کا صدر ہوں، یہاں جن باتوں کا ذکر کیا گیا ہے ان میں سے کسی کا بھی میں قصوروار نہیں، مجھے اغوا کیا گیا ہے‘‘۔
عدالت میں سماعت کے دوران فضا اس وقت کشیدہ ہو گئی جب مادورو نے خود کو ’’جنگی قیدی‘‘ قرار دیا، جبکہ ایک موقع پر عدالت میں موجود ایک شخص سے ان کا جملوں کا سخت تبادلہ بھی ہوا۔
مادورو کی اہلیہ سیلیا فلوریس نے بھی عدالت میں اپنی بے گناہی پر زور دیتے ہوئے کہا کہ وہ کسی جرم میں ملوث نہیں ہیں۔
جج نے مقدمے میں طویل تاریخ دیتے ہوئے مادورو اور ان کی اہلیہ کو 17 مارچ کو دوبارہ عدالت میں پیش کرنے کا حکم دے دیا۔
دوسری جانب عدالت کے باہر مظاہرین کی بڑی تعداد جمع رہی۔ بعض مظاہرین نے ’’USA Hands-off Venezuela‘‘ جبکہ کچھ نے ’’Thank You President Trump‘‘ کی تحریر والے پلے کارڈز اٹھا رکھے تھے۔
ادھر وینزویلا میں ڈیلسی رودریگز نے بطور عبوری صدر حلف اٹھاتے ہوئے نکولس مادورو اور ان کی اہلیہ کو قومی ہیرو قرار دیا اور کہا کہ وہ ملک کی خودمختاری کے لیے قربانیاں دے رہے ہیں۔
خیال رہے کہ نکولس مادورو اور ان کی اہلیہ کو ہفتے کے روز وینزویلا میں ایک امریکی فوجی آپریشن کے دوران حراست میں لیا گیا تھا، جس کے بعد اتوار کے روز دونوں کو امریکا منتقل کر کے نیویارک کی ایک جیل میں رکھا گیا۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026