ایران نے مذاکرات کے حوالے سے امریکہ کی  شرائط مسترد کردیں: ایرانی سرکاری میڈیا

ایرانی سرکاری میڈیا کے مطابق ایران نے امریکا کی جانب سے پیش کی گئی مذاکراتی شرائط کو مکمل طور پر مسترد کر دیا ہے، جس سے دونوں ممالک کے درمیان سفارتی کشیدگی مزید بڑھ گئی ہے۔

رپورٹ میں کہا گیا ہے کہ امریکی صدر ڈونلڈ ٹرمپ نے یکطرفہ طور پر جنگ بندی میں توسیع کا اعلان کیا ہے، تاہم ایران اس عمل کو موجودہ شرائط کے ساتھ قبول کرنے پر تیار نہیں۔

دوسری جانب امریکی صدر نے اپنے سوشل میڈیا پیغام میں کہا ہے کہ پاکستان کے وزیراعظم شہباز شریف اور فیلڈ مارشل عاصم منیر کی درخواست پر ایران کے خلاف کارروائی عارضی طور پر روک دی گئی ہے۔

امریکی صدر کے مطابق جنگ بندی اس وقت تک برقرار رہے گی جب تک ایران کی جانب سے متفقہ تجاویز سامنے نہیں آتیں اور مذاکرات کا عمل مکمل نہیں ہو جاتا۔