جنگ بندی میں توسیع نہیں چاہتا،ایران کے معاملے میں جلدبازی سے فیصلہ نہیں کروں گا، ٹرمپ

امریکی صدر ڈونلڈ ٹرمپ نےکہا ہے کہ ایران کے معاملے میں جلد بازی سے فیصلہ نہیں کریں گے،  وہ جنگ بندی میں مزید توسیع نہیں چاہتے، ایران کا معاملہ بڑی ڈیل کے ساتھ ختم ہو جائے گا۔

امریکی چینل کو انٹرویو دیتے ہوئے صدر ٹرمپ نے کہاکہ ہم ایران کے ساتھ معاملات کو بہت کامیابی سے سنبھال رہے ہیں اور مذاکرات میں مضبوط پوزیشن میں ہیں۔

امریکی صدر کا کہنا تھا کہ ایران کی ناکا بندی کامیاب رہی ہے، ہمارے پاس اس معاملے پر مزید وقت نہیں ہے، امریکا ضرورت پڑنے پر فوجی کارروائی کرنے کیلئے مکمل طور پر تیار ہے۔

انہوں نے کہا کہ ایران کے معاملے میں جلد بازی میں کوئی فیصلہ نہیں کروں گا۔جنگ بندی میں مزید توسیع نہیں چاہتا، ایران کا معاملہ بڑی ڈیل کے ساتھ ختم ہو جائے گا۔

صدر ٹرمپ نے کہا کہ اگر ایران معاہدہ کر لے تو وہ بہت مضبوط پوزیشن میں آ سکتا ہے، ایران کے پاس مذاکرات کے سوا کوئی چارہ نہیں، ہم نے ایران کی بحریہ، فضائیہ اور ان کی قیادت کو ختم کر دیا ہے۔