بچپن میں بچھڑ جانے والی دو بہنوں کی سافٹ بال میچ میں اچانک ملاقات

امریکی ریاست مونٹانا میں ایک سافٹ بال ٹورنامنٹ کے دوران ایک غیر معمولی اتفاق دیکھنے میں آیا جہاں طویل عرصے سے بچھڑی ہوئی دو حقیقی بہنیں میچ کے دوران آمنے سامنے آ گئیں۔ 19 سالہ سمانتھا رینسولڈ جب اپنے کالج کی ٹیم کے ساتھ کھیل رہی تھیں تو ان کی ساتھی کھلاڑی نے مخالف ٹیم کی 18 سالہ کیان ڈین کی شکل میں گہری مشابہت محسوس کی۔ دونوں بہنوں کو بچپن میں الگ الگ خاندانوں نے گود لیا تھا اور وہ ایک دوسرے سے لاعلم تھیں۔ میچ کے بعد جب سمانتھا کی والدہ نے کھلاڑیوں کی فہرست میں نام اور پیدائشی تفصیلات کا جائزہ لیا تو انکشاف ہوا کہ دونوں سگی بہنیں ہیں۔ دلچسپ بات یہ ہے کہ ظاہری مشابہت کے علاوہ دونوں کی پسند اور کھیل کا انداز بھی ایک جیسا تھا، اور دونوں نے ہائی اسکول میں ایک ہی پوزیشن اور ایک جیسے جرسی نمبر کے ساتھ کھیل میں حصہ لیا۔