’’جیل میں ہی بارات اور رخصتی‘‘ قتل کے مجرم قیدیوں کی دلچسپ شادی

حبت کی کوئی سرحد نہیں ہوتی” — یہ مقولہ بھارتی ریاست راجستھان کی ایک جیل میں اس وقت بالکل سچ ثابت ہوا جب قتل کے الگ الگ مقدمات میں عمر قید کی سزا کاٹنے والے ایک مرد اور خاتون قیدی کو ایک دوسرے سے محبت ہو گئی اور انہوں نے جیل کے اندر ہی پسند کی شادی کر لی۔

بھارتی میڈیا رپورٹس کے مطابق جودھپور کی جیل میں قید مولا رام اور سیما کے درمیان قید کے دوران ہی ایک دوسرے کے لیے گہرے جذبات پیدا ہوئے، جس کے بعد دونوں نے زندگی بھر ساتھ نبھانے کا فیصلہ کیا۔ تاہم جیل کے اندر شادی کی رسومات ادا کرنے کے لیے انہیں پہلے راجستھان ہائی کورٹ سے باقاعدہ اجازت حاصل کرنا پڑی۔ عدالت سے منظوری ملنے کے بعد جیل انتظامیہ، پولیس اور دلہا دلہن کے اہلخانہ کی موجودگی میں شادی کی تقریب منعقد ہوئی۔

جیل کے کھلے میدان میں باقاعدہ منڈپ سجایا گیا جہاں تمام مذہبی اور روایتی رسومات کے ساتھ مولا رام اور سیما کا نکاح/شادی انجام پائی۔ واضح رہے کہ دولہا مولا رام زمین کے تنازع پر اپنے پڑوسی کے قتل کے جرم میں سزا کاٹ رہا ہے، جبکہ دلہن سیما اپنے شوہر کے قتل کے کیس میں جودھپور کی اس جیل میں قید کی سزا کاٹ رہی ہے۔