سرخی: لیبیا میں 16 سال بعد پرانا موبائل پارسل پہنچ گیا خبر:

طرابلس کی ایک موبائل دکان پر اس وقت دلچسپ منظر دیکھنے کو ملا جب 16 سال قبل بھیجا گیا پارسل دکان پر پہنچا۔ پارسل کھولنے پر سامنے آیا کہ اس میں نوکیا کے بٹن والے مشہور ماڈلز موجود ہیں، جنہیں دیکھ کر دکاندار ہنس پڑا۔

رپورٹ کے مطابق یہ فونز 2010 میں آرڈر کیے گئے تھے لیکن 2011 میں لیبیا میں خانہ جنگی اور سکیورٹی صورتحال کی خرابی کے باعث یہ برسوں تک گوداموں میں پڑے رہے۔ دکاندار نے پرانی پیکنگ کھول کر فونز کو دیکھا اور مزاحیہ انداز میں کہا کہ یہ فون نہیں بلکہ میوزیم کی اشیا لگتے ہیں۔

کھیپ میں نوکیا میوزک ایڈیشن اور نوکیا کمیونی کیٹر جیسے ماڈلز شامل تھے، جو اس دور میں نہ صرف مقبول بلکہ مہنگے اور اسٹائل کا حصہ سمجھے جاتے تھے۔ 16 سال بعد یہ پارسل اپنی منزل تک پہنچنے میں کامیاب ہو گیا۔