آرڈر کیے گئے نوکیا فونز کی ڈیلیوری 16 سال بعد موصول

طرابلس: لیبیا میں ایک موبائل فون شاپ کو 16 سال بعد وہ نوکیا فونز موصول ہوئے جو 2010 میں آرڈر کیے گئے تھے۔

دکاندار نے 2010 میں نوکیا فونز آرڈر کیے تھے، لیکن 2011 میں لیبیا میں خانہ جنگی اور سیاسی عدم استحکام کی وجہ سے ملک کی لاجسٹکس، کسٹمز اور تجارتی نظام متاثر ہوا اور فونز گوداموں میں پھنس گئے۔

2026 میں، وہی فونز صحیح و سالم حالت میں پہنچے، جس پر دکاندار حیران رہ گیا۔ فونز کھولنے پر معلوم ہوا کہ یہ پرانے نوکیا ماڈلز ہیں جو آج کے اسمارٹ فونز کے دور میں تاریخی نوادرات کے طور پر دیکھے جا سکتے ہیں۔

ویڈیو میں دکاندار اور دیگر افراد فونز دیکھ کر خوشی سے ہنس رہے ہیں اور مذاق کر رہے ہیں کہ یہ فونز گزشتہ دور کی قیمتی چیزیں ہیں۔