امریکا: تقریباً نصف صدی بعد کتاب لائبریری کو واپس

ریاست کیلیفورنیا کے سان ڈیاگو کاؤنٹی لائبریری میں ایک کتاب تقریباً 46 سال بعد واپس کر دی گئی۔

لائبریری کی برانچ منیجر کیسی کوڈیون کے مطابق جنوری کے شروع میں ایک پیکج کھولا گیا، جس میں سے وہ کتاب برآمد ہوئی جو 20 مئی 1980 کو واپس کرنی تھی۔

کتاب بھیجنے والے نے کتاب کو صحیح برانچ پر بھیجا، اور پیکج پر ایک نوٹ درج تھا: “تاخیر کے لیے معذرت”، تاہم اس پر کوئی دستخط نہیں تھے۔

کیسی نے بتایا کہ اگرچہ موجودہ برانچ نئے ایڈریس پر ہے، کتاب کو واپس پہنچانے کے لیے انہوں نے تحقیق اور تصدیق کی تاکہ یہ یقینی بنایا جا سکے کہ کتاب صحیح مقام پر جائے۔