پولیس اہلکار کی ’بسم اللہ‘ پڑھ کر رشوت لیتے ہوئے ویڈیو وائرل

لاہور پولیس کے ایک اہلکار کی جانب سے شہری سے رشوت لینے کی ویڈیو سوشل میڈیا پر وائرل ہو گئی ہے، جس میں اہلکار رشوت وصول کرتے وقت بسم اللہ پڑھتا ہوا نظر آ رہا ہے۔ یہ واقعہ تھانہ راوی روڈ کے علاقے میں پیش آیا جہاں اہلکار عبدالرحمن نے رنگ روڈ پر شہری کو روک کر رشوت طلب کی۔

ویڈیو وائرل ہونے کے بعد سوشل میڈیا پر شدید ردعمل دیکھنے میں آیا۔ صارفین نے پولیس کے رویے پر سخت تنقید کی جبکہ بعض نے طنزیہ تبصرے بھی کیے۔ دوسری جانب ڈی آئی جی آپریشنز فیصل کامران نے واقعے کا سخت نوٹس لیتے ہوئے اہلکار کو گرفتار اور ملازمت سے برطرف کرنے کے احکامات جاری کر دیے۔