ویمنز ایشیا کپ فائنل: بھارتی فاسٹ بولر کرانتی گوڈ پر جرمانہ عائد

ویمنز ایشیا کپ کے فائنل کے دوران انٹرنیشنل کرکٹ کونسل (آئی سی سی) کے ضابطہ اخلاق (کوڈ آف کنڈکٹ) کی خلاف ورزی کرنے پر بھارتی فاسٹ بولر کرانتی گوڈ پر مالی جرمانہ عائد کر دیا گیا ہے۔ آئی سی سی کے مطابق سری لنکا کے خلاف کھیلے گئے فائنل میچ میں ضابطہ اخلاق لیول 1 کی خلاف ورزی پر بھارتی بالر پر ان کی میچ فیس کا 10 فیصد جرمانہ عائد کیا گیا ہے۔

تفصیلات کے مطابق کرانتی گوڈ نے میچ کے دوران سری لنکن بیٹر کو آؤٹ کرنے کے بعد نامناسب انداز میں پویلین کی طرف اشارہ کیا تھا، جسے میچ آفیشلز کی جانب سے کھلاڑیوں کے لیے مقررہ اخلاقی حدود کی خلاف ورزی قرار دیا گیا۔ بھارتی فاسٹ بولر نے میچ ریفری کے سامنے اپنی غلطی کا اعتراف کرتے ہوئے عائد کردہ سزا اور جرمانہ قبول کر لیا ہے، جس کے بعد اس معاملے پر مزید سماعت کی ضرورت پیش نہیں آئی۔