کوڈ آف کنڈکٹ کی خلاف ورزی، خرم پر جرمانہ، عباس کو وارننگ

ویسٹ انڈیز کے خلاف پہلے ٹیسٹ میچ میں آئی سی سی کوڈ آف کنڈکٹ کے لیول ون کی خلاف ورزی کرنے پر پاکستانی فاسٹ بولر خرم شہزاد پر میچ فیس کا 15 فیصد جرمانہ عائد کر دیا گیا ہے جبکہ محمد عباس کو باضابطہ تنبیہ (وارننگ) جاری کی گئی ہے۔ آئی سی سی کے مطابق دونوں کھلاڑیوں کے کھاتے میں ایک ایک ڈی میرٹ پوائنٹ بھی شامل کر دیا گیا ہے۔ میچ کے دوران خرم شہزاد نے شے ہوپ کو آؤٹ کرنے کے بعد جارحانہ انداز اپنایا تھا جبکہ محمد عباس نے جومیل وریکین کو آؤٹ کرنے پر غیر مناسب انداز میں جشن منایا تھا۔ واضح رہے کہ اس ٹیسٹ میچ میں ویسٹ انڈیز نے پاکستان کو 90 رنز سے شکست دی تھی جہاں قومی ٹیم 211 رنز کے ہدف کے تعاقب میں محض 120 رنز پر ڈھیر ہو گئی تھی۔