ہیزل ووڈ نے ٹیسٹ کرکٹ میں اہم سنگ میل عبور کرلیا

آسٹریلیا کے فاسٹ بولر جوش ہیزل ووڈ نے بنگلادیش کے خلاف ڈارون ٹیسٹ میں شاندار کارکردگی کا مظاہرہ کرتے ہوئے ٹیسٹ کرکٹ میں 300 وکٹیں مکمل کر لی ہیں۔ وہ یہ سنگ میل عبور کرنے والے آسٹریلیا کے نویں بولر بن گئے ہیں، جبکہ پہلی اننگز میں 6 وکٹیں حاصل کر کے انہوں نے اپنے کیریئر میں 14ویں مرتبہ اننگز میں 5 یا اس سے زائد وکٹوں کا اعزاز بھی حاصل کیا۔ ہیزل ووڈ کی اس کامیابی کے ساتھ نیتھن لیون، پیٹ کمنز، مچل اسٹارک اور جوش ہیزل ووڈ پر مشتمل آسٹریلیا کا موجودہ بولنگ اٹیک ٹیسٹ کرکٹ کی تاریخ کا پہلا اور واحد اٹیک بن گیا ہے جس کے چاروں ارکان 300 سے زائد وکٹیں حاصل کر چکے ہیں۔ 12 ماہ کی طویل وقفے اور انجری کے بعد ٹیسٹ کرکٹ میں واپسی پر اسکاٹ بولینڈ کی جگہ شامل کیے جانے والے 35 سالہ ہیزل ووڈ نے بنگلادیش کے خلاف اپنی بہترین بولنگ سے ٹیم میں شامل کیے جانے کے فیصلے کو درست ثابت کر دیا۔