جاپان: انسان کو چند منٹ میں ٹھنڈا کرنے والا ہیومن فریج متعارف

موسمیاتی تبدیلی اور شدید گرمی کی لہر کے پیشِ نظر جاپانی کمپنی نے انسانوں کو فوری ٹھنڈک پہنچانے کے لیے دنیا کا پہلا “ہیومن فریج” کولنگ سسٹم متعارف کروا دیا ہے۔ 7 فٹ اونچا اور 3.9 فٹ چوڑا یہ یونٹ طاقتور ٹھنڈی ہوا کے ذریعے محض 10 منٹ میں ہیٹ ایگزاسشن اور جسمانی تھکن کی علامات کو نمایاں طور پر کم کر سکتا ہے۔ 15 ڈگری سینٹی گریڈ کے داخلی درجہ حرارت والے اس سسٹم کی قیمت 15 لاکھ جاپانی ین (تقریباً 10,000 امریکی ڈالرز سے زائد) رکھی گئی ہے، جبکہ توانائی کی بچت کے حامل اس آلے کے چلانے کے اخراجات صرف 16 ین فی گھنٹہ ہیں۔ صارف کی حفاظت کے لیے یہ نظام 20 منٹ کے بعد خودکار طور پر بند ہو جاتا ہے۔