جاپان میں تابوت کے اندر ذہنی سکون کے لیے مراقبہ کرنے لگے

جاپان کے علاقے چیبا (Chiba) میں ذہنی سکون کے متلاشی افراد کے لیے ایک انوکھی سروس متعارف کرائی گئی ہے، جہاں لوگ خود کو پرسکون کرنے کے لیے تابوت کے اندر لیٹ کر مراقبہ کرتے ہیں۔ اگرچہ عام طور پر لوگ تابوت کا نام سن کر گھبراتے ہیں، مگر جاپانی نوجوانوں میں بڑھتی ہوئی خودکشیوں اور ذہنی دباؤ کے پیشِ نظر اسے ایک تخلیقی منصوبے کے طور پر پیش کیا گیا ہے۔ اس سروس کے تحت لوگ محض 13 ڈالرز ادا کر کے 30 منٹ تک تابوت کی تنہائی میں اپنے اعصاب کو پرسکون بنا سکتے ہیں۔ ماہرین اسے ایک خاص قسم کا مراقبہ قرار دے رہے ہیں جس کا مقصد زندگی کی قدر و قیمت کا احساس دلانا ہے۔