کم عمری میں ہی شہرت کے منفی پہلوؤں کا احساس ہو گیا تھا، جھانوی کپور

بالی ووڈ اداکارہ جھانوی کپور نے ایک حالیہ پوڈ کاسٹ میں اپنے ساتھ پیش آنے والے ایک افسوسناک واقعے کا انکشاف کرتے ہوئے بتایا کہ وہ اسکول کے دنوں میں ہی ‘ڈیپ فیک’ اور غیر اخلاقی مواد کا شکار ہو چکی ہیں۔ اداکارہ کے مطابق، جب وہ محض اسکول کی طالبہ تھیں، تو انہوں نے آئی ٹی کلاس کے دوران ایک فحش ویب سائٹ پر اپنی جعلی تصاویر دیکھیں، جس نے انہیں شدید ذہنی صدمے سے دوچار کر دیا۔ جھانوی کپور نے سوشل میڈیا پر مصنوعی ذہانت (AI) کے ذریعے تیار کردہ جعلی مواد کی بڑھتی ہوئی لہر پر گہری تشویش کا اظہار کرتے ہوئے کہا کہ ان کی ایسی تصاویر اور ویڈیوز بھی گردش کر رہی ہیں جن کا حقیقت سے کوئی تعلق نہیں، لیکن بعض اوقات مستند نیوز پلیٹ فارمز بھی انہیں شیئر کر دیتے ہیں۔ انہوں نے خبردار کیا کہ یہ ٹیکنالوجی مستقبل میں اداکاروں کے لیے پیشہ ورانہ مسائل اور بلیک میلنگ کا سبب بن سکتی ہے، لہٰذا ڈیجیٹل رضامندی اور ٹیکنالوجی کے اخلاقی استعمال کے لیے واضح حدود مقرر کرنا وقت کی اہم ضرورت ہے۔