پاکستان سٹاک ایکسچینج میں کاروبار کا مثبت زون میں آغاز

پاکستان سٹاک مارکیٹ (PSX) میں کاروباری ہفتے کے آغاز پر ایک بار پھر مثبت رجحان دیکھنے میں آیا ہے، اور خریداروں کی دلچسپی کے باعث بازارِ حصص میں شاندار تیزی ریکارڈ کی گئی ہے۔

کاروباری ہفتے کے دوسرے روز کاروبار کے آغاز پر ہی سٹاک ایکسچینج میں زبردست تیزی دیکھی گئی، جہاں 500 سے زائد پوائنٹس کا نمایاں اضافہ ہوا۔ اس اضافے کے ساتھ ہی پاکستان سٹاک مارکیٹ کا بینچ مارک 100 انڈیکس ایک لاکھ 70 ہزار 944 پوائنٹس کی سطح پر جا پہنچا۔

واضح رہے کہ گزشتہ کاروباری دن کے اختتام پر بازار میں ہلکی مندی دیکھی گئی تھی جس میں 100 انڈیکس 339 پوائنٹس کمی کے بعد ایک لاکھ 70 ہزار 425 پوائنٹس کی نفسیاتی حد پر بند ہوا تھا، تاہم آج کے سیشن کے آغاز پر ہی بازار نے مثبت زون میں واپسی کی ہے جس سے سرمایہ کاروں میں اچھا اعتماد پایا جا رہا ہے۔