نائب وزیراعظم اسحاق ڈار کل 2 روزہ دورے پر چین روانہ ہوں گے

نائب وزیراعظم اور وزیر خارجہ اسحاق ڈار اپنے چینی ہم منصب وانگ یی کی دعوت پر کل (16 جولائی) سے چین کا دو روزہ سرکاری دورہ کریں گے۔ ترجمان دفتر خارجہ کے مطابق، اسحاق ڈار ایک اعلیٰ سطحی وفد کے ہمراہ 16 سے 17 جولائی تک چین میں قیام کریں گے، جہاں وہ ‘ورلڈ آرٹیفیشل انٹیلیجنس کوآپریشن آرگنائزیشن’ کے قیام کی دستخطی تقریب میں شرکت کر کے پاکستان کی جانب سے بطور بانی رکن اس اہم معاہدے پر دستخط کریں گے۔ اپنے دورے کے دوران نائب وزیراعظم 17 جولائی کو گلوبل اے آئی گورننس سے متعلق اجلاس کا حصہ بنیں گے اور چینی وزیر خارجہ وانگ یی سمیت دیگر عالمی رہنماؤں سے ملاقاتیں بھی کریں گے، جن میں باہمی دلچسپی کے امور اور دوطرفہ تعاون کو مزید فروغ دینے پر تبادلہ خیال کیا جائے