پاکستان، سعودیہ اور ترکیہ کا مکہ باہمی دفاعی معاہدے کے بعد خصوصی نغمہ جاری

مکہ باہمی دفاعی معاہدے کی تاریخی پیش رفت کی خوشی میں پاکستان کی جانب سے خصوصی نغمہ ’ہم سب ایک ہیں‘ جاری کر دیا گیا ہے۔ اس نغمے کا مقصد پاکستان، سعودی عرب اور ترکیہ کے درمیان قائم ہونے والے مضبوط اور سٹریٹجک دفاعی تعلقات کو خراجِ تحسین پیش کرنا ہے۔

نغمے میں حرمین شریفین کی حفاظت اور خدمت کو تینوں اسلامی ممالک کی مشترکہ اور مقدس ترین ذمہ داری کے طور پر اجاگر کیا گیا ہے۔ نغمے کے بول اور عکاسی میں پاکستانی فوج کے جوانوں کو عشقِ حرم اور مقدس مقامات سے سچی وابستگی کی روشن علامت کے طور پر پیش کیا گیا ہے۔ اس بات پر زور دیا گیا ہے کہ نبی کریم ﷺ سے محبت، ایک قرآن، ایک قبلہ اور مشترکہ ایمانی و روحانی رشتہ تمام مسلمانوں اور برادر ممالک کو ایک نا قابلِ شکست اتحاد میں پروتا ہے۔