ایران کی 40 روزہ جنگ کے دوران 3519 افراد جاں بحق ہونے کی تصدیق

ایران کی فارنزک میڈیسن آرگنائزیشن کے سربراہ نے انکشاف کیا ہے کہ 40 روزہ جنگ کے دوران مجموعی طور پر 3,519 افراد جاں بحق ہوئے ہیں۔

ادارے کے سربراہ کے مطابق جاری کردہ اعداد و شمار میں حالیہ ہفتوں کے دوران خصوصاً جنوبی ایران میں امریکی افواج کے ساتھ ہونے والی جھڑپوں میں جاں بحق ہونے والے افراد کی تعداد شامل نہیں ہے۔ جاں بحق ہونے والوں کی جنس و عمر سے متعلق تفصیلی اعداد و شمار درج ذیل ہیں:

• مرد: تقریباً 3,000

• خواتین: 500

• طلبہ: 270 (جن میں اکثریت میناب کے شجرۂ طیبہ سکول کے ان طلبہ کی تھی جو امریکہ اور اسرائیل کے حملے کے پہلے روز مارے گئے)

• کمسن بچے: 38 بچے ایسے شامل ہیں جن کی عمریں 5 سال سے کم تھیں

اگرچہ فارنزک میڈیسن آرگنائزیشن کی رپورٹ میں فوجی اہلکاروں اور شہریوں کی علیحدہ گنتی کی صراحت نہیں کی گئی، تاہم ایرانی سرکاری خبر ایجنسی ارنا (IRNA) کی گزشتہ رپورٹ کے مطابق جنگ کے دوران کم از کم 1,460 شہری اور 2,080 ایرانی فوجی اہلکار جاں بحق ہوئے تھے۔