امریکا کے ساتھ عبوری معاہدے پر عملدرآمد تک مذاکرات نہیں ہوں گے: عراقچی

ایرانی وزیر خارجہ عباس عراقچی نے واضح کیا ہے کہ تہران اور واشنگٹن کے درمیان اس وقت کوئی براہِ راست مذاکرات نہیں ہو رہے اور ایران اس وقت تک امریکا کے ساتھ گفتگو کا آغاز نہیں کرے گا جب تک واشنگٹن جون میں طے پانے والے عبوری معاہدے کی خلاف ورزی سے باز نہیں آتا۔برطانوی خبر رساں ایجنسی (روئٹرز) کی رپورٹ کے مطابق، ایرانی وزیر خارجہ نے کہا کہ دونوں ممالک کے درمیان اس وقت صرف ثالثوں کے ذریعے سفارتی پیغامات کا تبادلہ جاری ہے۔ایرانی وزیر خارجہ عباس عراقچی کے اہم انکشافات و نکات درج ذیل ہیں:آبنائے ہرمز اور عمان (مسقط) معاہدہ: تہران اور مسقط کے درمیان آبنائے ہرمز (Strait of Hormuz) کے حوالے سے ایک معاہدہ حتمی مراحل میں داخل ہو چکا ہے، جس میں بحری آمدورفت کے لیے نئے روٹس (Maritime Routes) کی وضاحت کی جائے گی۔بحری راستے کی فوری بحالی کا انکار: معاہدہ حتمی مراحل میں ہونے کے باوجود اس اہم ترین عالمی بحری راستے کو فوری طور پر نہیں کھولا جائے گا۔امریکی شرائط کی پابندی: آبنائے ہرمز کو بحری نقل و حمل کے لیے دوبارہ کھولنا اس بات پر مشروط ہے کہ امریکا پہلے جون کے طے شدہ معاہدے کی تمام دیگر شرائط پر مکمل عمل درآمد کرے۔