ایران کو فیفا ورلڈکپ کے آغاز سے قبل بڑا دھچکا

ایران کے اسٹار مڈفیلڈر علی غولیزادے گھٹنے کی شدید انجری (ACL) کے باعث ورلڈ کپ 2026 سے باہر ہو گئے ہیں۔ وہ پولینڈ میں اپنے کلب لیک پوزنان کے لیے کھیلتے ہوئے زخمی ہوئے، جس کے بعد ان کی سرجری اور طویل بحالی کا عمل متوقع ہے۔ دوسری جانب، امریکہ اور اسرائیل کے ساتھ جاری کشیدگی نے تہران میں فٹبال کی سرگرمیوں کو محدود کر دیا ہے۔ اسی تنازع کے باعث اسٹار فارورڈ سردار آزمون کو بھی اسکواڈ سے باہر رکھا گیا ہے، جس سے ان کی ورلڈ کپ میں شرکت مشکوک ہو گئی ہے۔ تاہم، فیفا کے صدر نے تصدیق کی ہے کہ ایران شیڈول کے مطابق ٹورنامنٹ میں حصہ لے گا۔