دریائے سندھ اور چناب کا کٹاؤ شدت اختیار کر گیا، چارہ کھاتی بھینس بھی بہہ گئی

بیٹ پرارہ اور بیٹ دیوان کے علاقوں میں دریائے سندھ اور دریائے چناب کا کٹاؤ انتہائی شدت اختیار کر گیا ہے، جس کے باعث وسیع پیمانے پر تباہی پھیل رہی ہے اور دریا تیزی سے زرعی زمینوں، کھڑی فصلوں اور رہائشی مکانات کو اپنی لپیٹ میں لے رہا ہے۔

علاقہ مکینوں کے مطابق، بپھرے ہوئے دریاؤں کی بے رحم موجوں کے باعث اب تک سینکڑوں ایکڑ قیمتی زرعی اراضی دریا برد ہو چکی ہے جبکہ مقامی آبادیوں کے متعدد گھر بھی صفحۂ ہستی سے مٹ گئے ہیں۔ متاثرہ ساحلی و بیٹ کے علاقوں میں کاشت کی گئی تل، کماد (گنا)، مونگ اور چارہ جات کی تیار فصلیں دریائی کٹاؤ کی زد میں آ کر مکمل تباہ ہو چکی ہیں، جبکہ زمینوں پر موجود لاکھوں روپے مالیت کے قیمتی درخت بھی جڑوں سمیت اکھڑ کر دریا میں بہہ گئے ہیں۔

متاثرہ علاقوں سے دریائی کٹاؤ کی لائیو ویڈیو دنیا نیوز کو موصول ہوئی ہے، جس میں دریا کو انتہائی تیز رفتاری سے کناروں کو کاٹتے ہوئے دیکھا جا سکتا ہے۔ ویڈیو میں ایک انتہائی دلخراش اور دل دہلا دینے والا منظر اس وقت سامنے آیا جب زمین پر چارہ کھاتی ہوئی ایک بے زبان بھینس اچانک مٹی کا تودہ گرنے کے باعث دریا کے بپھرے ہوئے پانی میں جا گری اور تیز بہاؤ میں بہہ گئی۔

علاقہ مکینوں اور زمینداروں نے شدید مایوسی کا اظہار کرتے ہوئے کہا ہے کہ مسلسل کٹاؤ اور گھروں کے گرنے کے باعث وہ سخت گرمی اور نامساعد حالات میں اپنی مدد آپ کے تحت محفوظ مقامات پر نقل مکانی کرنے پر مجبور ہیں۔ انہوں نے شکوہ کیا کہ ضلعی انتظامیہ یا محکمہ انہار کی جانب سے ان کی داد رسی کے لیے تاحال کوئی مؤثر حکومتی اقدام سامنے نہیں آیا اور انہیں بے یار و مددگار چھوڑ دیا گیا ہے۔

شدید معاشی نقصان سے دوچار متاثرینِ دریا نے وزیر اعلیٰ پنجاب اور اعلیٰ حکام سے پرزور مطالبہ کیا ہے کہ قیمتی اراضی اور بستیوں کو بچانے کے لیے فوری طور پر ہنگامی بنیادوں پر عملی اقدامات کیے جائیں اور علاقے کو مستقل طور پر محفوظ بنانے کے لیے مضبوط ‘سپر بند’ (Stone Stud) تعمیر کیا جائے تاکہ مزید تباہی