اپنی شادی کی تقریب روک کر ڈاکٹر کی کیٹرنگ ورکر کو طبی امداد دینے کی ویڈیو وائرل

بھارتی ریاست کیرالا میں ایک خاتون ڈاکٹر نے اپنی شادی کی تقریب کے دوران کیٹرنگ کے بیمار ملازمین کو فوری طبی امداد فراہم کر کے انسانیت کی اعلیٰ مثال قائم کر دی ہے۔ سوشل میڈیا پر وائرل ہونے والی ویڈیو میں دیکھا جا سکتا ہے کہ دلہن کے لباس میں ملبوس خاتون ڈاکٹر نے اپنی شادی کی مصروفیات کو ایک طرف رکھتے ہوئے بیمار کارکن کا معائنہ کیا اور بروقت علاج فراہم کیا۔ سوشل میڈیا صارفین کی جانب سے ڈاکٹر کے اس ایثار اور فرض شناسی کے جذبے کو شدید سراہا جا رہا ہے اور اسے خلقِ خدا کی خدمت کی ایک روشن اور بہترین مثال قرار دیا جا رہا ہے۔