ڈاکٹر بننے کےلیے اپنا پاؤں خود کٹوانے والا ایڈمیشن اور گرل فرینڈ سے ہاتھ دھو بیٹھا

بھارتی ریاست اتر پردیش کے ضلع جونپور میں ایک دل دہلا دینے والا واقعہ سامنے آیا ہے جہاں ایک نوجوان نے ایم بی بی ایس میں داخلہ حاصل کرنے کے لیے مبینہ طور پر اپنا پاؤں کٹوا دیا۔

پولیس کے مطابق 20 سالہ سورج بھاسکر دو مرتبہ میڈیکل کالج میں داخلے کے لیے ہونے والے نیٹ (NEET) امتحان میں ناکامی کے بعد شدید ذہنی دباؤ کا شکار تھا۔ اسی دباؤ کے عالم میں اس نے انتہائی قدم اٹھاتے ہوئے اپنا پاؤں کٹوانے کا فیصلہ کیا۔

تحقیقات کے دوران سورج بھاسکر کے بیانات میں تضادات سامنے آئے، جس پر پولیس نے اس کا موبائل فون قبضے میں لے کر ڈیٹا چیک کیا۔ تفتیش کے دوران ایک خاتون سے بھی پوچھ گچھ کی گئی جن کا نمبر مشکوک رابطوں میں سامنے آیا تھا، جس سے معاملے میں مزید شکوک پیدا ہوگئے۔

بعد ازاں پولیس کو سورج کی ایک ڈائری بھی ملی جس میں اس نے لکھ رکھا تھا کہ ’’میں 2026 میں ایم بی بی ایس ڈاکٹر بنوں گا۔‘‘ پولیس کا کہنا ہے کہ یہ تحریر اس کے ذہنی دباؤ اور شدید خواہش کی عکاسی کرتی ہے۔

افسوسناک طور پر اس خطرناک عمل کے باوجود سورج کو ایم بی بی ایس میں داخلہ نہ مل سکا اور وہ اپنی گرل فرینڈ کے ساتھ ایک پاؤں سے بھی محروم ہو گیا۔