شادی میں باراتیوں کا مظاہرہ، دف بجا کر چیف الیکشن کمشنر سے استعفیٰ کا مطالبہ

بھارت کے چیف الیکشن کمشنر گیانیش کمار کے خلاف نئی دہلی کی سڑکوں پر اپوزیشن جماعتوں اور نوجوانوں کی ‘جین زی’ (Gen Z) قیادت میں قائم ‘کاکروچ جنتا پارٹی’ کا شدید احتجاج جاری ہے، جس کے اثرات اب ملک بھر میں پھیلتے ہوئے شادی کی تقریبات تک جا پہنچے ہیں۔

بھارتی میڈیا کے مطابق ریاست تلنگانہ کے شہر حیدرآباد دکن میں شادی کی ایک استقبالیہ تقریب اس وقت سیاسی احتجاج میں تبدیل ہو گئی جب باراتیوں نے چیف الیکشن کمشنر گیانیش کمار سے فوری استعفیٰ کا مطالبہ کر دیا۔ سوشل میڈیا پر وائرل ہونے والی ایک ویڈیو میں معروف سماجی کارکن طلحہ صلاح کو شادی میں روایتی ‘مرّفا بینڈ’ کی گونج کے دوران باراتیوں کے ہمراہ نعرے بازی کرتے دیکھا جا سکتا ہے۔ باراتیوں نے دف اور ڈھول کی تھاپ پر ‘ایس آئی آر’ (SIR) کارروائی اور انتخابی فہرستوں کی نظرِ ثانی کے عمل کو معطل کرنے کا مطالبہ کیا۔

واضح رہے کہ اس وقت بھارتی دارالحکومت نئی دہلی کے تاریخی مقام جنتر منتر سمیت پوراہ شہر مظاہرین کی تحویل میں ہے جہاں انتخابی اصلاحات اور الیکشن کمیشن کے اقدامات کے خلاف سخت احتجاج جاری ہے۔ حیدرآباد کی شادی میں سامنے آنے والا یہ منفرد احتجاج سوشل میڈیا پر نہ صرف شدت سے وائرل ہو رہا ہے بلکہ بھارتی سیاست میں عوام کے بڑھتے ہوئے غصے کی انوکھی مثال کے طور پر دیکھا جا رہا ہے۔