ملک کے پسماندہ علاقوں میں پاک فوج عوامی خدمت میں پیش پیش

ملک کے پسماندہ علاقوں میں پاک فوج عوامی خدمت میں پیش پیش ہے۔ مستوج، شمالی وزیرستان اور آزاد کشمیر کے علاوہ کریلا سیکٹر، کوٹلی، باغ اور دتہ خیل میں بھی پاک فوج کے تعاون سے فری میڈیکل کیمپس کا انعقاد کیا گیا۔

میڈیکل کیمپس میں ماہر ڈاکٹرز نے مرد، خواتین اور بچوں کا تفصیلی طبی معائنہ کیا اور مریضوں کو مفت ادویات فراہم کی گئیں۔ شدید سردی کے باوجود ڈاکٹرز اور پیرا میڈیکل سٹاف نے مقامی آبادی کو موسمی بیماریوں سے محفوظ رکھنے کے لیے بھرپور خدمات انجام دیں۔

مقامی آبادی نے پاک فوج کے اس فلاحی اقدام کو سراہا اور کہا کہ یہ عوامی صحت کے فروغ اور صحت مند معاشرے کے قیام کا عزم ہے۔