یہ انوکھے کھلونے آپ کے بہترین اے آئی ساتھی ثابت ہوں گے

اوپر موجود تصویر کو دیکھیں یہ بڑی آنکھوں والے پیارے کھلونے درحقیقت آرٹی فیشل انٹیلی جنس (اے آئی) ٹیکنالوجی سے لیس ہیں۔
آئی موچی نامی یہ ننھے کھلونے درحقیقت اے آئی اسمارٹ پیٹ یا پالتو جانور کی طرح ہیں جو اپنی حرکات، ساؤنڈ اور تاثرات سے لوگوں کے سامنے ردعمل ظاہر کرتے ہیں۔
ایک چینی کمپنی نے موبائل ورلڈ کانگریس کے موقع پر آئی موچی کو پیش کیا۔
کمپنی کے مطابق یہ ہر عمر کے افراد کے لیے بہترین اے آئی ساتھی ثابت ہوں گے۔
ان میں ہر طرح کے رویوں کو ظاہر کرنے کی صلاحیت ہے اور صارف سے تعلق کے حوالے سے اپنے انداز میں تبدیل کرسکتے ہیں۔

ان میں کافی اے آئی فیچرز موجود ہیں / فوٹو بشکریہ سی نیٹ
یہ 5 مختلف ماڈلز میں دستیاب ہوں گے، جن میں ٹچ سنسرز، آواز شناخت کرکے جسمانی ردعمل ظاہر کرنے اور وائس کمانڈز جیسے فیچرز موجود ہیں۔
ہر ماڈل کی اپنی مخصوص شخصیت ہوگی اور تھکاوٹ پر جماہی لیں گے، بھوک کا اظہار کریں گے اور بھی کافی کچھ کریں گے۔
آئی موچی کی جانب سے سر کو حرکت دے کر یا اپنی دم کو ہلا کر ردعمل ظاہر کیا جائے گا جبکہ کسٹمائز آڈیو لینگوئج کے ذریعے بات چیت کی جائے گی۔
کمپنی کے مطابق اس ڈیوائس کا بنیادی مقصد لوگوں میں تناؤ کو کم کرنا ہے خاص طور پر جوان ملازمت پیشہ افراد کو اس سے زیادہ فائدہ ہوگا۔
ان کو فی الحال جاپان میں فروخت کے لیے پیش کیا گیا ہے اور قیمت 350 ڈالرز رکھی گئی ہے