LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار ریاض کے فنانشل ڈسٹرکٹ ٹاور پر حوثیوں کا میزائل حملہ نیتن یاہو کی ایران کے خلاف نئی فوجی کارروائی کیلئے کوششیں تیز کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان

تیسری ششماہی کیلئے آئی ایم ایف جائزہ مشن کا 15 روزہ دورہ پاکستان

Web Desk

24 February 2026

اسلام آباد: آئی ایم ایف کے جائزہ مشن کا 15 روزہ دورہ آج پاکستان پہنچ رہا ہے جو 11 مارچ تک جاری رہے گا۔ ذرائع کے مطابق مشن کے پہلے مرحلے میں کراچی اور دوسرے مرحلے میں اسلام آباد میں مذاکرات ہوں گے۔

جائزہ مشن مالی سال کے پہلے چھ ماہ کی معاشی کارکردگی کا جائزہ لے گا اور آئندہ مالی سال کے بجٹ کے بنیادی خدوخال پر بھی بات کرے گا۔ ذرائع کے مطابق آئی ایم ایف سے صوبائی اور مجموعی مالیاتی فریم ورک پر بھی بات ہوگی۔

وزارت خزانہ کے ذرائع کے مطابق ٹیکس ریونیو کے سوا آئی ایم ایف کے بیشتر اہداف پورے کر لیے گئے ہیں، جبکہ ٹیکس ہدف میں مزید کمی کی درخواست بھی کی جائے گی۔ مشن قرض پروگرام کے تحت جولائی تا دسمبر کی معاشی کارکردگی کا جائزہ لے گا۔ حالیہ سیلاب سمیت متعدد مشکلات کے باوجود قرض پروگرام آن ٹریک ہے۔

ذرائع کے مطابق ایف بی آر کو پہلے 6 ماہ میں 329 ارب روپے کے ٹیکس شاٹ فال کا سامنا ہے، اور 7 ماہ میں 372 ارب کے شاٹ فال پر مشن کو آگاہ کیا جائے گا۔ درخواست کے ذریعے سالانہ ٹیکس ہدف میں مزید کمی کی تجویز بھی پیش کی جائے گی۔

جائزہ مشن کے دوران گورننس، اینٹی کرپشن اقدامات، نیب اور اہم اداروں میں تقرریوں کے عمل کا جائزہ بھی لیا جائے گا۔ سرکاری افسران کے اثاثے عام کرنے اور اصلاحات کے ایکشن پلان کو بھی مشن کے ساتھ شیئر کیا جائے گا۔

ذرائع کے مطابق معاشی استحکام، مہنگائی، کرنٹ اکاؤنٹ اور دیگر اقدامات کا جائزہ مذاکرات کا حصہ ہوگا۔ پرائمری فسکل سرپلس جی ڈی پی کے تقریباً 1.3 فیصد حاصل کیا گیا، جبکہ صوبوں نے مجموعی طور پر 1180 ارب روپے کا کیش سرپلس دیا۔

غیر ملکی زرمبادلہ ذخائر پروگرام کے ہدف سے زیادہ برقرار رہیں گے، اور جولائی تا نومبر لارج اسکیل مینوفیکچرنگ میں تقریباً 6 فیصد کی نمو رہی۔

آئی ایم ایف مشن کا دورہ 7 ارب ڈالر کے ای ایف ایف پروگرام اور 1.4 ارب ڈالر کے آر ایس ایف پروگرام کا حصہ ہے، جس کے تحت پاکستان کو اب تک 3.3 ارب ڈالر موصول ہو چکے ہیں۔