امن جرگہ مشترکہ اعلامیے پر عملدرآمد کیا جائے، سپیکر کے پی اسمبلی کا وزیراعظم کو خط

سپیکر خیبر پختونخوا اسمبلی بابر سلیم سواتی نے وزیراعظم شہباز شریف کو خط لکھ کر صوبائی اسمبلی کے امن جرگہ 2025 کے مشترکہ اعلامیے پر فوری عمل درآمد کا مطالبہ کیا ہے۔ خط میں بتایا گیا ہے کہ 12 نومبر 2025 کو منعقدہ امن جرگے میں سیاسی جماعتوں کے رہنماؤں، منتخب نمائندگان اور متعلقہ فریقوں نے شرکت کی تھی، جس کے بعد سکیورٹی کی صورتحال پر ایک جامع رپورٹ تیار کی جا رہی ہے۔ سپیکر بابر سلیم سواتی نے واضح کیا کہ خیبر پختونخوا اسمبلی دہشت گردی کے خلاف اتفاقِ رائے پیدا کرنے کے لیے ہر ممکن تعاون کو تیار ہے، اور حتمی رپورٹ کو قومی ایکشن پلان کا حصہ بنانے کے لیے وزیراعظم کے دفتر کے ساتھ شیئر کیا جائے گا۔