بھاگنے کی عادت پرانی، ہر مشکل میں کارکنوں کو آگے کرکے خود پیچھے ہٹ جاتے ہیں: فیصل کریم

گورنر خیبر پختونخوا فیصل کریم کنڈی نے پاکستان تحریک انصاف (پی ٹی آئی) کی مرکزی اور صوبائی قیادت پر شدید تنقید کرتے ہوئے کہا ہے کہ مشکل وقت میں کارکنوں کو آگے کر کے خود پیچھے ہٹ جانا اور میدان سے بھاگ جانا ان کی پرانی عادت ہے۔ سماجی رابطے کی ویب سائٹ پر اپنے ٹویٹ میں گورنر کا کہنا تھا کہ سابق وزیراعلیٰ علی امین گنڈاپور یارک ٹول پلازہ سے واپس لوٹتے ہوئے کارکنوں کو یہ کہہ کر گمراہ کر رہے تھے کہ وہاں دفعہ 144 نافذ ہے۔

فیصل کریم کنڈی نے حقیقت واضح کرتے ہوئے کہا کہ سرکاری نوٹیفکیشن سب کے سامنے موجود ہے، جس کے مطابق دفعہ 144 صرف ڈیرہ اسماعیل خان کے مخصوص علاقوں اور مخصوص اوقات کے لیے نافذ تھی، یارک ٹول پلازہ پر ایسی کوئی پابندی عائد نہیں تھی۔ انہوں نے افسوس کا اظہار کرتے ہوئے کہا کہ پی ٹی آئی قیادت اپنے ہی ورکرز کو بے وقوف بنانے کا کوئی موقع ہاتھ سے جانے نہیں دیتی۔ موجودہ سیاسی صورتحال پر بات کرتے ہوئے گورنر کے پی کے کا مزید کہنا تھا کہ “ناچنے والے گھوڑے کبھی میدان میں نہیں دوڑتے۔