نئے بجٹ کی تیاری: آئی ایم ایف کا وفد پاکستان پہنچ گیا، معاشی اہداف اور ٹیکس تجاویز پر مذاکرات کل سے شروع ہوں گے

آئندہ مالی سال کے بجٹ کی تیاری کے سلسلے میں عالمی مالیاتی فنڈ (آئی ایم ایف) کا وفد آج پاکستان پہنچ رہا ہے، جس کے ساتھ باضابطہ مشاورت کا آغاز کل سے ہوگا۔ وزارتِ خزانہ کے ذرائع کے مطابق، نیا بجٹ آئی ایم ایف کی سفارشات اور قریبی مشاورت کی روشنی میں تیار کیا جائے گا، جس کے لیے مذاکرات کا یہ سلسلہ ایک ہفتے تک جاری رہنے کا امکان ہے۔ اس اہم دورے کے دوران آئی ایم ایف مشن نئے مالی سال کے لیے ٹیکس اہداف، معاشی اہداف اور ترقیاتی اخراجات کی تجاویز کو حتمی شکل دینے میں تعاون کرے گا۔ مذاکرات میں مالی نظم و ضبط کو بہتر بنانے، حکومتی اخراجات میں کمی اور بجٹ میں ہم آہنگی پیدا کرنے کے اقدامات پر تفصیلی تبادلہ خیال کیا جائے گا۔ ذرائع کا کہنا ہے کہ ان مذاکرات کا مقصد ایک ایسا متوازن معاشی فریم ورک تیار کرنا ہے جو آئی ایم ایف کے پروگرام کی شرائط کو پورا کرنے کے ساتھ ساتھ ملکی معیشت کے استحکام میں بھی معاون ثابت ہو۔