ٹی 20 ورلڈ کپ کے پلیئر آف دی ٹورنامنٹ کیلئے نامزدگیوں کا اعلان

آئی سی سی نے ٹی ٹونٹی ورلڈ کپ 2026 کے ‘پلیئر آف دی ٹورنامنٹ’ کے لیے شارٹ لسٹ کیے گئے کھلاڑیوں کا اعلان کر دیا ہے، جس میں پاکستان کے صاحبزادہ فرحان سرفہرست ہیں۔ قومی بیٹر نے ٹورنامنٹ کے دوران کئی نئے ریکارڈز قائم کیے؛ انہوں نے محض 7 میچوں کی 6 اننگز میں 76.60 کی شاندار اوسط سے 383 رنز بنا کر ایک ورلڈ کپ میں سب سے زیادہ رنز بنانے کا اعزاز حاصل کر لیا ہے۔ صاحبزادہ فرحان دنیا کے واحد بلے باز بن گئے ہیں جنہوں نے ایک ہی ٹی ٹونٹی ورلڈ کپ میں دو سنچریاں (سری لنکا اور نمیبیا کے خلاف) اسکور کیں۔ ان کے ہمراہ بھارت کے سنجو سیمسن، انگلینڈ کے ول جیکس اور جنوبی افریقہ کے ایڈن مارکرم بھی اس باوقار ایوارڈ کی دوڑ میں شامل ہیں۔ ماہرین کے مطابق صاحبزادہ فرحان کی غیر معمولی فارم انہیں اس ایوارڈ کے لیے مضبوط امیدوار بناتی ہے۔