مچل سٹارک پہلی مرتبہ نمبر ون ٹیسٹ بولر بن گئے

انٹرنیشنل کرکٹ کونسل (آئی سی سی) کی جانب سے جاری کردہ تازہ ترین مینز ٹیسٹ رینکنگ کے مطابق آسٹریلیا کے فاسٹ بولر مچل اسٹارک بنگلادیش کے خلاف دوسرے ٹیسٹ میں 10 وکٹیں حاصل کرنے کے بعد بھارت کے جسپریت بمرا سے پہلی پوزیشن چھین کر کیریئر میں پہلی بار نمبر ون ٹیسٹ بولر بن گئے ہیں۔ بولرز میں پاکستان کے نعمان علی 8 ویں نمبر پر موجود ہیں جبکہ محمد عباس 7 درجے تنزلی کے بعد 25 ویں نمبر پر آ گئے ہیں۔ دوسری جانب بیٹرز رینکنگ میں انگلینڈ کے ہیری بروک کی پہلی پوزیشن برقرار ہے، ریشبھ پنت 6 درجے ترقی کے ساتھ 7 ویں اور پاکستان کے بابر اعظم 10 ویں نمبر پر براجمان ہیں۔ اس کے علاوہ کیمرون گرین 21 ویں، محمد رضوان 26 ویں اور عبداللہ شفیق 27 ویں نمبر پر پہنچ گئے ہیں۔